zondag 31 december 2006

Stokjestijd

Zowat gans bloggend Vlaanderen zal wel eens een stokske zien passeren zeker ? Ik kreeg het mijne via Bruno

Wat weten jullie nog niet over mij ? Veel zeker ?

1. Als tiener was ik sportiever dan nu : volleybal, lopen, zwemmen, meisjesvoetbal (SAMploeg, olv Robbie Woodruff, waar we over fantaseerden...) Ik haalde zelfs meermaals 11 op 10 voor LO ! (vb. tijdslimieten voor lopen, scores op coopertest, ...)
2. In het lager middelbaar was ik rebels (heb menige strafwerkblaadjes gesponsord voor het missiewinkeltje), in het hoger middelbaar "sociaal luisterend oor". Uren les en studie zijn opgegaan in brieven schrijven en lezen met klasgenoten in een moeilijke periode...
3. Op mijn 17de kwam ik thuis met Roeland, die toen 24 was ! Reactie van mijn ma : ge gaat die jongen nu toch nie bezig houden zeker ? (ik had de gewoonte om het maar een paar weken/maand uit te houden per lief, en er waren al veel voorgangers...) Voor de duidelijkheid : die vorige liefjes waren niet 'ernstig'... (Zie dat mijn kinderen hier meelezen ...)
4. Ik ben jaren leidster geweest in Speelplein/Chiro/Harlekino... Daarna ook nog jaren VB bij de chirojongens.... Op kamp met een bende jongens-mannen : toch iets aparts zulle (vooral het taalgebruik na 22 uur zou mijn kids choqueren..)
5. Ik kan supersnel lezen, heb op kot in Leuven nog wedstrijdjes gehouden om het snelst lezen (met bevraging achteraf) en ik ben nog nooit geklopt geweest ! Hier zijn echter geen medailles voor, dus roemloos teniet laten gaan zeker ? (Wel handig, echter supersaai bij automatisch lopende teksten !) Echter, ik werk nu al een aantal jaren in de bibliotheek van een hogeschool, en sindsdien lees ik veel minder... (misschien ook omdat ik intussen een job; man en 3 kids van bijna 5, 6 en 7 heb ?)

Wat loopnieuws betreft : nihil nove sub sole
Ben net terug uit de Ardennen, weekje weggeweest met vrienden, en heb stralende zon gehad (Vlaanderen blijkbaar mist). Ook een valling meegekregen...

En dan geef ik nu het stokske door aan :
Frank Terry, streekgenoot
Christophe , ook uit de buurt
Running Ronald , iets verder uit de streek

Alstublieft !

woensdag 20 december 2006

Rust roest ?

Na een paar hectische weken voor het lichaam (nekwervel uit de kom, razend druk op 't werk, hoofdpijn en toch Deerlijk gelopen) smeekt mijn lichaam naar rust.... 't Is nu al een paar daagjes rust, maar ik recupereer niet echt goed... Algemene vermoeidheid zeker ? Toch een griepje op komst ? Nood aan vakantie ?
Ik denk er dus aan om eens een loopvrije periode te houden, en eens goed uit te rusten...
De komende dagen zijn toch al overvol gepland, vrije tijd is al bezet !
Ik kan me voorstellen dat sommige angels hierbij al paniekaanvallen beginnen te krijgen, maar ik heb nog geen concrete doelen gesteld, niks moet ! (en de kerstcorrida van Deerlijk 2007 is toch nog veraf...)
Misschien eens rustig rondkijken om een 2de wedstrijd te plannen... Mijn loopmaatje zal naar Parijs gaan, en traint dus rustig voort. Ikzelf overweeg Brussel 20 km, maar vanuit de vloanders is dat toch nog een stekke... Aan de bloggers ut de geburen : ergens een 20 km in de contreien waar veel volk op afkomt ? (ben een gelegenheidsatleet)
Dwars door Brugge is nog een eindje, maar 't hoeft nu ook niet te dichtbij te zijn, eerst nog wat uitrusten....

ALVAST EEN SKITTEREND 2007 GEWENST AAN ALLE BLOGGERS / LOPERS !!!

zondag 17 december 2006

Deerlijk is alweer voorbij ....

Tja, gezien ik eigl. tot nu toe maar 1 loopwedstrijd per jaar liep, zit het er weer op voor een jaartje... (Mijn andere wedstrijd is Damme-Brugge, al zwemmend)
Volgend jaar zal 't dus niet moeilijk zijn om beter te doen, gezien ik dit jaar zo'n 7 minuten trager liep dan vorig jaar... Maar ik heb me wel geamuseerd zulle ! Samen met B. (zus van Frank S., die er met Bruno een PR liep) hebben we braaf onze vooropgestelde 10 km/uur gehaald. Ware het niet dat we de laatste ronde nog een tandje bij hebben moeten steken... Officieel zal't dus zo'n 1.29 en iets zijn.... De volgende dagen eens zien...

Veel bekende gezichten gezien (nie moeilijk als je bij de deur loopt en zo'n 100 Wevelgemnaren onderweg staan te supporteren)... Ook een paar bloggers leren kennen. Nice to meet you !
Van de collega's van over 't water (RTL) was een een imposant blok lopers solidair in groep aan 't lopen, uit eerbetoon aan een collega jogger die een zwaar arbeidsongeval had... Op zo'n momenten besef je wel hoe gelukkig een gezonde mens wel mag zijn...

zaterdag 16 december 2006

Alles voor de sport

Zie mij hier nu zitten genieten : de ganse keuken ruikt naar vanille (eigl. ruik je 't vanaf de voordeur)...
Uit pure toewijding voor de sport, heb ik deze namiddag 2 rijsttaarten gebakken... Om die morgen voor de wedstrijd op te eten... 'k Moet er niet bij vertellen dat er al deftig geproefd is zeker ? Voor de veiligheid heb ik al 2 stukken afzonderlijk verpakt in de frigo gestopt... Anders waren die ook al op ! De kinderen, ocharme, hebben dus tot nu moeten wachten voor hun mama eens een rijsttaart bakte (er zat geen uitdaging in zeker ?)... Maar omdat 'de sporters' nooit over frangipannetaartjes (met een goeie scheut abricozenlikeur) praten, dan maar eens een simpele rijsttaart gebakken...
Voor diegenen die plots hetzelfde idee krijgen : 2 blikken roomrijst, 8 eetlepels zelfrijzende bloem, 7 eetlepels suiker, 3 pakjes vanillesuiker en 4 eieren. Dit mengen en 45 min bakken op 175 graden.... Smakelijk (variatie kan vb. met bladerdeeg, maar dan iets meer werk)
Of natuurlijk gewoon de plaatselijke middenstand steunen....
Of het iets geholpen heeft, zal ik maandag weten te zeggen (morgenavond viert de club verder na het lopen - "de bus" nietwaar !)
Aan allen die morgen een wedstrijd lopen : succes !

vrijdag 15 december 2006

Op algemeen verzoek

Gisteren heeft mijn ventje (voor de eerste keer ?) deze blog eens gelezen, zegt em wel nie dat em in 't nederlands leest zeker (ipv dialect)... Oei als zelfs hij da nie verstaat ....
Deze blog is nu wel niet bedoeld als 'groot literair talent', en het aantal lezers is geen doel,... maar omdat ik intussen al een paar "vertrouwde" bloggers tegengekomen ben (en behalve Frank Spencer) zijn ze allen anoniem.... dus toch maar 'de wijde wereld' in met toegangkelijke taal ?

(en voe dedee dient zien zittn af en toe een klapke dertussn)

kzou een poll willen posten, maar ik weet niet of ik dat hier vinden zal... On verra ...

Dit dus off the record...

Gisterenavond een gezellige avond met collega's gehad : kookles in 't Forum (dit is de bistro van Katho = het werk). Lekkere hapjes, carpaccio van zalm met citroenroom onder grill, kip madras en tarte tatin met zelfgemaakt roomijs... Dit maakten we dus klaar tss 18-20 u en daarna (met partner voor wie wou) gezellig tafelen ! Dit alles met de aangepaste wijnen en veel ambiance ! Voor herhaling vatbaar ! Nu hopen dat het zondag ook zo gezellig zal zijn....

woensdag 13 december 2006

woef woef woef

Omdamme zundag in goe condisje zon zin, vandeweke dus nie te vele lwoppen.
Gin probleem, wank ware toch nog ant revalideern van diene wervel. Minne kinesist è gezeit dak rustif moeste probeern voer ut te lwoppen , en dus niet te ville sjette geven. Da juste dus me vee show me minnen polar goan lwoppen, voe toch moa ljigge te bluvven van erte... tware bikans gelukt (ka da nog nwoi nie goe gekeunen, twas alsans vee te zjirre).
Moar ton kom ik ip azwo nen kilomèter en een twuk van min us, aak ton wel tskitterende gedach nie è voe langsen een donker stukske nen oek af te sloan (den noede gullegemsestjinweg)... Ommekjir zittek dus - in tstekedoenker - tussen bekaertdraod en nen berm van den R8, aak 't dao worre : woef woef woef, alsans dichter : gvd !!!
Minnen polar sloeg bikans tilt ! (En ik è dus verzekers wok zjidder begeun lwoppen). Gelukkig zat dienen Bekaert draod an de justen kant ! Min statistieken kwaamn ut an 150 gemiddeld, moa tgingk anders beter gewist èn zunne !
(twa juste een minitoerke, voe min bjinnen (en nekke en kopzjir) te sparen voe Deerlik, vandaor dat dienen latste kilomèter toch nog een verskil gemakt è...)

Daarnet bijna erin geslaagd om op lage hartslag te lopen (Deerlijk is zondag), als rustige loslooptraining. In de laatste kilometer echter een enorme polar - piek gemaakt, niet door snelheid, maar door ..... een hond ! Dus in het vervolg loop ik niet meer in 't stekedonker op onverlichte paadjes... Neen, geen hechtingen, enkel wat schrik en een hoge hartslag .... (en de hond bleek ook achter een omheining te zitten, maar dat zag ik pas achteraf)...

zondag 10 december 2006

Deerlijk : here I come !

JAJA, gèt et goe geleezn : kziet were hjillegans zittn voe te lwoppen !
Met dank an Bernadette (zus van) en Patrick van den Joggingclub van Wevelgem èk vanuchtend een skwon toerke gelwoppen : min jiste kilometers van de moande !
Voe de gasten van de streke : Wevelgem, leie, Marke, kljinne Sjouwer, Lauwe en ton were Wevelgem. (d'andere keune ne kjir probeern met underene Garmin of azwo).
kWaren eigenlik van plnag voer een bitje vworzichtig los te lwoppen up de piste van 't sportstadion, moar B. en P. dus nie... En voer moa nie oljinne te moetn lwopen (ne miens es een sociale bjiste) èk ton moar geprobeerd. Me gingn wel ziene... Sjanse damme trage gelwoppn èn ! En dak geetn a - ka azwo nog gepeisd van nen vetlwop te doene, da gink zjir gedoan èn !
Want twas een gildige stekke ! Diene nekke es dus geslaagd in zin (of aar ?) eksaamn. Nen totaaltid van jin eure vuvvenviftig minutn (in Kenia èn zondertussen ne marathong gelwoppen, slik).

Goed nieuws : deze morgen een groten toer (1 u55, +/- 17 km) gelopen met 2 leden vd club - 'k was eigl. van plan om een beetje los te lopen op de piste, maar ze gingen de andere kant op, en geen piste meer tegengekomen - en de nek is met glans geslaagd voor de "assessment" ! Nu nog hopen dat de recuperatie ook zo goed is ! Deerlijk zal dus toch nog lukken ! Met dank aan G.D., voor de kine !

donderdag 7 december 2006

nog alsans kopzjir

Deerlik es moar een goe weke nie mjir en kben serieus ant twiffelen of dak wel zoe meegoane... Diene nekke es wel an't beteren (de C4 zit weer up zin plekke), maar die spieren zin zo verskrikkelik verkrampt dak hjille doagen kopzjir è ! Kè gin sjanse up twerk wok : der es nen collega ziek voer een weke of 3, en ken keune dus nie te ville pauze pakkn of overeuren recupereern. (kmaoke der zelfs nog bie ! ) Vaneigens dak ierdeure minne nekke wok nie stif ontspanne ! Die kesvakanse komt 3 weken te loate !
kWaore eigenlik van plang voe nu (juste were van de kine) nog ne kjir binnen te springen in 't Bankse. Moar kè te veel zjir.... (ai dad ol moe loaten..)

Dus aan alle bloggers die volgend weekend meelopen in Deerlijk : laat maar weten welke tijd je ongeveer verwacht : wellicht zal ik noodgedwongen aan de kant moeten staan supporteren... snif snif...
Tenzij het volgende week plots verschrikkelijk veel beter is en ik die 15 km "ongetraind" - op karakter - zou meelopen (maar of dat zo'n deugd zal doen aan de nek ...)
Mijn jongste broerke is al volop aan het trainen voor de revanche van vorig jaar (toen klopte ik hem in de laatste kilometer)... Hij zal niet veel moeite moeten doen....
En als ik nog steeds medicatie moet nemen, zal de feestvreugde in de "jeneverbus" ook al geen optie zijn...
Waarom? Waarom? Waarom ?

maandag 4 december 2006

Een C4, verre van Vorst

kBenne dus al een tidje ant sukkeln me min skoere en nekke, vannoene eindlik ne kjir naor den dokteur gewist : nekwervel C4 en C5 dus getoucheerd...
Ken kanne mie nie erinnern dak ne kopbal of azwo get è, verzekers nen kjir slicht geleegn en ton olljinne moa verergerd....
Vanoavond ol den jiste kjir noar den kinesist gewist...
k Peize dak morgenuchtend nog mjir dan zjir ga èn... Krak deed dat ol olle kantn. Jèt er zelfs me hjil zin gewichte goan upliggn (up die skoere)... k peisde dak deur toafel ginge skieten...
Deerlik goat dus ginne vetten zin vandejoare...

Ik ben dus al een tijdje aan het sukkelen met nek en schouder. Deze middag eindelijk dokersbezoek : nekwervel c4 en C5 hebben dus schade... Ik herinner me geen kopballen, wellicht gewoon slecht stilgelegen... Deze avond al 1ste kinebezoek. k' vrees dat ik morgenochtend nog meer pijn zal hebben : Osteopaat heeft me langs alle kanten gebroken ! Krak dus. Hij heeft zelfs met heel zijn gewicht op die schouder gaan liggen, 'k dacht dat ik door de tafel ging schieten ...
Kerstcorrida in Deerlijk zal dus op niet veel trekken dit jaar...

update 5/12 : goed geslapen en enkel wat hoofdpijn, al veel beter !

zondag 3 december 2006

tis weer voorbij die mooie zomer ....

Vanuchtend stakestif upgestoan (nek en skoere zin getoucheerd) en tegen dak der een bikke tzjir utgekreegn a, es twere gjillegans ommegeslegen.
En te peizen dat rond den 8ten nog nie regende (wel ville wind).... gvrdmme ! Nu ja, aai zwo an tlwoppn zit en gèt zukken bizze in uwe nekke, verzekers nie gjistig !
Roeland es dus gon wandeln, moar te ziene an de vlagen butten, peis ik dattem en twasen ant skuiln es (tes topen voer em). An ol de lwoppers die vanuchtend ier wel deure an tlwoppn zin : waaaaaaaw ! dad es echt karakter èn ! (of vetrokken zin zonder kikken naor de site van 't kmi !)
Waait ollemaole goe noar us en bid voor beter were !

Deze morgen dus stakestijf opgestaan (nek en schouder zijn getoucheerd). Tegen de tijd dat alles weer soepel was (pijnvrij), was het weer al volledig omgeslagen. En te bedenken dat het om 8 uur nog droog was (er was wel al veel wind), gvrdmme ! Nu ja, was ik vertrokken en dan zo'n bui in je nek krijgen... wellicht ook geen pretje ! Roeland is gaan wandelen, maar te zien aan de vlagen buiten, hoop ik voor hem dat hij een schuilplaatske gevonden heeft.
Aan alle lopers die hier voor 't moment aan het doorlopen zijn : waaaaaaw ! Dat is pas echt karakter hebben ! (ofwel ben je vertrokken zonder te kijken naar de weerberichten). Waai allemaal goed naar huis en bid voor beter weer....

zaterdag 2 december 2006

stive skoere (stijve schouder)

Vanuchtend nie gon lwoppen, kware nie weird. 't Begostol gisternavund : ka azwo nen dag up den tring gezeetn en ton aak mie 's avons inde zetel gepwot.
'k Moeste nog weg noar een resepsje en ton dak min skoen wildandoen, skiet er azwo een twuk in min skoere, gjil den avund nie echt up min gemakken gezeetn en vannacht nie echt goe geleegn. Vanuchtend ton wok nie antiddens ip voer ne vetlwop (en ken a gin geoste wok nie).
De joengens moesten gon turnen en kwware maor achter de neegnen ip, dus twa were van aastuzjirre...
Frank Spencer èt deuren van zin turngirls beter keun skikkn, je keundem intussjen zelve sportn,
kmoe kik hjil de nuchtend rondrien met de minne, en keune nwoit zonder joengens zin. De meiskes turnen van ten tienolf tot den twalven, moar intussen moek Niels in een andere zoale brengen en alen van ten tienen tot den elven. Dus ieder olf eure up een andere plekke.... tskiet dus nie ville over voe twadde te doene (brwod en vljees en andere platse commessies)...

Morgenuchtend miskiens een twidde poginge, moar angezien minj vintje tielik weg moe, vrjis ik der veure...
Jist zien oe dat es me die skoere...

Deze morgen niet gaan lopen, kwas geen sikkepit waard. 't Begon al gisterenavond : ik had een groot deel van de dag op de trein gezeten en me dan 's avonds in de zetel neergeploft. 'k Moest nog weg naar een receptie en wanneer ik mijn schoenen terug wou aandoen, schoot er zo ineens iets in mijn schouder. Ik heb de ganse avonds ongemakkelijk gezeten en deze nacht slecht geslapen. Resultaat : vanochtend niet op tijd opgestaan voor een vetloop (ik had trouwens geen zin ook).
De kindjes moesten gaan turnen en ik was pas na negenen op, dus 't was van haast u (vlug). Frank Spencer heeft de uren van zijn turngirls beter gepland, hij kan ondertussen zelf sporten, ik daarentegen moest de hele ochtend rondrijden . Niels van 10-11 en de meisjes van 10.30 tot 12, echter in een andere sporthal ! dus schiet er niet veel tijd over (behalve voor boodschappen : brood en vlees e.d.)
Morgenochtend misschien een 2de poging, maar gezien mijn echtgenoot vroeg weg zal zijn, vrees ik er al voor... Eerst zien hoe het met die schouder verder gaat...

donderdag 30 november 2006

twas nen keer rapper voe de verandering

Juste weren van een toerke... Allee van ut het café 't bankske tan... tes de geweunte van achter t lwoppn nog jintje (2,3,4) te goan drinken in t bankske met de bende. En nie alsans; maor als t past goak wok mee. Morgen moek nie echt ville presteern up t werk (nao Mechelen voer een vergaoderinge : dus evenvele up den tring zittn dan werken...), vandoar dak nu nie echt tielik in minnen nest moeste kruppn...
Enfin, da toerke was dus kort , moa krachtig. voe min doeninge toch...
Andere lwoppers goan dad ol te trage vinden voe ne vetlwoop, moa voe mie was dad ol zjirre.
51 minuten (en m' èn een paor minuten an de tring moeten wachten moa kè dadde nie gekilomètreerd : dus verzekers 48minutn) voe den toer langs 't park van Wevelgem (1 ronde), langsen t sportstadion, sportstraote, naor thereske, langs de sneppestraote, over 't duts kerkof, langs de winbergstraote (de boerderietjes zin voer in de zomer, aat klaar es) were noa de moorselestraote en ton were nao t park ol de nieuwstraote en lepoldstraote... K peize ne kilométer of 9 ???
Aak ne kjir goeste è, kgoat exact utrekenen me Frank Spencer zin mèterke...
Dus èk zjidder gelopen of 10 ter eure
Frank ziin zuster èt vandeweke wok ol heur beste gedoan en ze goat zaterdag noa de zjee gon lwoppn, dus kzoe beter wok vant wiekend min beste doene...
Morgen goat alleszinsen nieten zin, moar an 't zjir an min bjenen te voelen (gisteren duurloop), es da moa best wok !

woensdag 29 november 2006

nen vrijen voornoene

Vanuchtend de sjanse gehad van een paar eurkes vrie te èn : gin (betaald) werk, gin joengens (dedie moestn in skole zin). In vworbereidinge voer Deerlijk, de kerstcorrida, ton moa nen kjir nen krak forcee gedoan en een eurenalf gelwoppn. Hoeveel kilometers dak der juste deure gedraaid è, wit ik nie, maor 't zal ter nie verre van zin. Voe diegene van de streke : gestart in Wevelgem, langsent mollegat, over bissegem brugge nao marke, langst fietsroutepad (22, 7 en nog een poar) tot up Marke platse, ton al achtern langs delabies naor de preshoek, onder de brugge en ton berg up nao Lauwe, onder den tunnel, langsent ter biest noa Wevelgem were.
kpzeize zwon 14 kilomèters, mao tstikt up gin jin !
Min vintje at voe mie een paar mp3tjes grjid gezet up da spul van den aldi (dad ier ol 3 jaor in oes kasse ligt). 't wa den jisten kjir dak me zukken spellement up minne kop liepe. En gjistig voe de muziek, moar tpast toch nie echt perfect zulle : da jinnen woorke viel da reekans ut. of dat an de anatomie van min oren ligt of an da spel, ken è der gin gedacht van. Enfin, ton moa me jin oorke vwort gelwoppn. tging wok.
Miskiens nen tip voer jin of ander kerstcadootje : goeie workes voe da spel. t skint dat er azwo van die skelpn bestoan, die alsans passen ?
Moest ek meelwoppn me nen marathong, tzoet de moeite zin voe nen kjir tinvesteern, moar voe een bikke te joggn es da ol nie nwodig.
Enfin, da spul dus in min oren en up tempo geloopn : stairway to heaven at bergup gink, the forrest in t bos : twa lik dat em wiste woa dak ginge lwoppn ! (nie van wei, ollemaole pure buzze). tWas een experimentje me cdkes dam me ier juste liggn an. Jat zin beste gedoan voe da spel een bikke te stoffeern, moa juste de latste kilomèter begoste kik were tzelfste te worn : juste nie rap genoeg gelwoppn zkers ? ak nog nen kjir dienen toer lwoppe, en diezelfste muzik stoat der nog up, zoe ne kjir keun probeern voe gin 2 kjirs tzelfste te moetn oren ! speed it up girl !

dinsdag 28 november 2006

tzin alsans dezelfde miensn da je tegenkoemt

ei gidder da wok ? aj nen toer ant lwoppn zit, daj alsans dezelfste tegenkoemt ? Gistern verzekers voe den derde kjir vandemaond dezelfsten rwoon jogger gezien, we beginn ol beleefd te knikkn noar mekoar. tes moar dat em stief veel rapper lwopt of akik, anders me zoen nog een klapke keun doen.
Een bikke verder kwam ik een jonk meiske teegn, en me da tempo was 't wel meuglijk voer confidensjes t'odden. kvin kik dad alsans gjistig voer azwo een klapke te doene, moar mjistal goa min tempo ton nao beneen. ei gidder da wok ?

maandag 27 november 2006

Geheimtaal of geweun dialect ?

Blikbaor es da westvloams nie goe te verstoane voer ollanders. Dad es nu wok nie de bedoelinge van de site ! Moar omdamme gin miensn willn affronteern (lap zeg, franske woorn goan ze wok nie verstoan vaneigens), voe jinne kjè nutzonderinge : sebiet in min skwonste vloams een vertaolinge (et pour les francophones : la même chose !)

Geheimtaal of gewoon plaatselijke omgangstaal ?
Blijkbaar is het westvlaams niet goed te begrijpen voor Nederlanders. Dat is nu ook niet de bedoeling van deze blog. Maar omdat we geen mensen willen "affronteren" (betekent beledigen) - verdraaid, franse woorden zullen ze ook niet begrijpen, vanzelfsprekend - voor één keer dus een uitzondering. Weldra dus in het mooiste vlaams een vertaling (en voor de franstaligen hetzelfde)

Ge moe nu toegeevn, tkliengkt toch vele beter in tskwon vloams ! Dus da wadde lesse voe vandage en tes nu gedoan dermee : off topic ! (oe daj dad up zin wevelgems zegt zoek wok nie weten : miskiens tips van gidder ?)

donderdag 23 november 2006

kèn eindlik deure wie da frank spencer es !

Vanavnd eik eindlik deure da frank spencer geweun de broere van bernadette es ! En zie moa klappn van eur broer die wok marathongs lwopt.. !
Da juste heur broere live gezien en je trekt wel up de foto van frank spencer, dus ik peisde ol : zoet em zinne ? We zin een bitje aan de klap (achter tloppen welteverstaone !)
Zegt ie ton wel vanolles over zin vrouwe, etten leure en azwo... tingelingeling !
gjestig van azwo een bitje te ziene wien da wien es !

twas ol een ende geleen dak me bernadette twoppe gelwoppn a, sjanse da ze wok meelwopt in deirlik, me goan nu weer een bitjen afspreekn voe twoppe te goan lwoppn. dus a joes zundag zie lwoppen up de happy days : zwaai nen kjir njè !

dinsdag 21 november 2006

sjanzement de dekor !

Nen nieuwn name voe de verwarringe nie te grwoot te maakn
ge zoe peizn dak int bestuur zitte of azwo

nie van !

ken ben kik moa een geweun lid, nie mjir of dadde !

vande weke zelfs nog nie vet vele gelwoppn, moa kei der gin ertzjir van, ne kjir a zwo en nen kjir anders... miskiens morgen ne kjir nen forcee of azwo....

kga der ne klir up letten of dak frank spencer nie tegenkomme in Wevelgem

jeit zukken foto up zinne site stoan, moar in den donkern moeie da moar erkennen...
tegen datie em mie gevondn eit, lwop ik miskien wok ol marathongs...

vrijdag 3 november 2006

De nieuwe utrustinge es getwond

Gisternavund èn ze vant bestuur under beste gedoane (me goe soepe) voe der een extratje bie te doene : zèn wok ne modesjow gedoane met de nieuwe utrustinge ! zes ol vele skwonder dan de vworrige, en voeral : vollediger ! We goan nu een korte en een lange broek èn, en een spellementje zoender mown, in de winter ton jin me mown, en wok nog een veste, moa de dee wa nog nie grjid.
Komt oes ollemaole mo bewondern up de kerstcorrida in deerlik tenden van december (de weke vwo kestag) (am me ton olles ol goan èn..)

donderdag 2 november 2006

Boekenbeurze 2006

kben juste were van antwerpn, tes tid da ze die beurze nen kjir een twasen elders oedn : zukken volk en da spel koste da nie slikkn. tbegoste ol me den bus in berchem stoasje : we kostn der nie up : me peisden da me skwonne in de reke moestn stoen voe te betaaln, vaneigens da me ton nie meekosten... Den twidden bus èm me ton moa zwart gereen, of twa were van dadde...
Sjanse dam me ol ticketn oan van te vworn : wuk een reke voe binnen te komn ! kpeize da zen bikke te vele succes èn...
kè getwiffeld voer een poar boekn van tloppn mee te pakkn (te kwoppen vaneigens), moar omdak nie goe wiste wukn, goa kut jist moa vroagn an andern. Miskiens dat de bibliotheke nog een paar goeie èt. De titels zin ol upgeskreevn, kanne ze nog alsans kwopn tus.
Intusn èk zjir an min voetn vant slentern. Deur ol da volk gingtat doar nier voorrut ! En ol die joengens : noste kjir proberek butten de vakanse te gane ! 't stond up underne website dat vandage kalme gink zin : min worre !

woensdag 1 november 2006

Vinten zin nie curieus

Vanuchtend twoogdek min skrifsels an minnen vint en je wildet nie jens leezn. kzoe ier gerust jin of andere confidentie keun doen, je zoet nog nie leezn. (ken è gin anoedingn of azwoa, moar joa, moestek der èn, toen nog nie)
Verzekers dat er ier biekans gin vintn meezleen, (an de commentaarn te zien wok gin vrouwn), blogs zin eigl nie echt intressant van nen andern, peis ik. (kleeze kik eiglik wok biekans ginne)
Deurdat in 'twestvloams geskreevn es, goan der nie echt veel pottekiekers zin. Buttn dedie da kik zelfve zoe gezeid èn dak ier blogge, est er gin katte die dadier zoe bekikken.
Aak leezrs zoe willn èn, moetek miskiens ne kjèr een vertalingske naar tskoon vloams moakn. Moa da goan we dus nie doen, tes de bedoelink nie da hod en kljin pierke dat ier moetn leezn.
tzudden van westvloandren moe zin eign toale onderoedn ! antwaaaaarps keuj ol genoeg zien op de veetee im, hèt doar verzekers den jinne soap achter nandern. Li i i i mburgs gerakt zoverre nie en oastvloams verstoan molik. azwo...

dinsdag 31 oktober 2006

Nog n bitje over dienen Marathon

Min vientje èt ol reklam gword voe de marathon. (Je peisde verzekers dat em grwo nieuws at zekers ?) , 'k aat em ol lange geleen ne kjir gezeit, ma je wiste da nie mjer.
Enfin, Jèt gisternavund met kamiel (deen es nu skepen van sport in Wevelgem) in de ljeeuw gezeetn achter de minivoetbol en azwo est al bekend in Wevelgem. ze zin zelfs ol van plang voe der een twadde mjer biete doene : kljindere parkoerkes of azo. k' ga alleszinds keun meedoen, kwoor et, die 42 kilometers zoen nie mjeer moeten.
Min vientje peist da kik da wel zoe keunen, aak snavunds zoe goan lwoppen in plekke van naar den tillevisje te kikken. Jèt wel gelik vaneigens, maor toen ken tie em wok nie weg savunds, de jungens zin nog veel te kljinne voer alljinne te bluvn. De zommer zit er glukkig nog tussen, me zien wel...
Gow, weirdu meiske en doe nen kjer een forceetje... Zoem me ?
k' zoe et beter nen kjer overleggn met Bernadette, minnen 'looppartner' (ken kenne gin skwon dialect woord iervoren).

Da doet er mie up peizen : kè van twiekend noa Wouter Deprez gewist in Kortrik en den dien èt zinnen sjow hjillegans in 't westvloams gedoane : skitterend ! Jèt em were gesmeetn zulle, en kzate neffest ne vint die verzekers gin 5 kjeer luwe gelachn èt, drwogge njè ? Maor kè mie daarvore zelve nie inhoedn wei, koste nie anders of lachn, zwo goed was tie !

Woar es den tid da me in t college zaten, Wouter zat doar toen wok, en da me vanollens deien voe moar nie geweunig te moetn doen. Nu da me 'grwoot' zin est ollemale vele verserjeuserd. Sjanse da me nog veel erinnering'n èn ! En af en toe alen we ze nog ne kjer boovn.
Moar da goat voe nen anderke kjir zin...

maandag 30 oktober 2006

Leiemarathon

tes ol were nende geleen dak ier een twadde ipgezet è. Vanuchtend g'oord da me agowwe een skwonne utrusting gaon keun èn. Merci Henkske en de reste !
Intussen ben k wok an t meelezen en peizen up die gasten van canvas me underen marathon in New York, naste weke. Ge moet et moa doen lik Koen Fillet : van 0 naar 42 in 1 jaar (k loppe kik ier al meer jaren en kgerake kik daa nog nie) sjappoo vo die gasten !
Noaste jaore èm me met de club woak ne marathon, de leiemarathon. Zoen me doa nen kje voer trainen ? Me een bitje sjanse zoe da nog lukkn wok !
Gow gasten, skrift junder massale in en miskiens doek wok nog mee (nejen, ginnen vierde kljeinen up komste)

Moa toen moetn we toch oes sportsavattn ne kje mjeer andoenen zekers ?

zaterdag 3 juni 2006

Verbroedering me Lauwe

Dunderdagavnd eim me RTL (Van over de brugge dus) ip bzoek get. ze warn me veeln, en under pakskes warn skwonder of doeze. How Henk, giv moa ne kje sjette voer oes nieuwe utustinge. Me zoen der vele beter deur lwoppen, peisn me.
't wa vree gjestig (en late) en me zoen da beter af en toe ne kjee doene.